महिलांचा मुख्य प्रवाहात येण्याचा प्रवास हा प्रदीर्घ आणि खडतर राहिला आहे; जो शोषित, असमानता आणि सक्षमीकरणाच्या संघर्षांनी चिन्हांकित आहे. महिलांना आजही लैंगिक असमानता, शिक्षण, रोजगार, आरोग्यसेवा आणि राजकीय सहभागामध्ये भेदभावाचा सामना करावा लागतो. समाजात खोलवर रुजलेली पितृसत्ताक कुटुंब पद्धती आणि सामाजिक पूर्वग्रह अनेकदा स्त्रियांना मर्यादित करतात तसेच त्यांच्या विचारांची कक्षा आणि क्षमता मर्यादित ठेवतात. मात्र भारतीय साहित्याने स्त्रियांच्या सभोवतालची सामाजिक परिस्थिती प्रतिबिंबित केली असून, त्यांच्या अनुभवांचा प्रवास आणि बदलासाठी उत्प्रेरक म्हणून काम केले आहे. साहित्य हे महिलांसाठी आत्मशोधाचे, सक्षमीकरणाचे आणि समाजपरिवर्तनाचे प्रभावी साधन राहिले आहे, जे त्यांच्या वैयक्तिक आणि सामाजिक आयुष्यात सकारात्मक बदल घडविण्यास मदत करते. सदरील संदर्भ ग्रंथ महिला सक्षमीकरण, सामाजिक संरचना आणि साहित्यिक प्रतिनिधित्व यांच्यातील गुंतागुंतीचे संबंध आंतरविद्याशाखीय पद्धतीने शोधते.